² segundo -da

1. adx

   Que ocupa o lugar número dous nunha serie.

2. adx e s

   Que se corresponde a cada unha das dúas partes iguais en que se divide un todo.

3. adx

   Que ten menos importancia ou é de prezo inferior.

4. adx [EDUC]

   Que é de máis importancia ou superioridade, con respecto a un primeiro grao elemental.

5. s m [METROL]

   Unidade de tempo do Sistema Internacional (SI). En 1967 a XIII Conferencia Xeral de Pesos e Medidas (CGPM) definiuno como a duración de 9.192.631.770 períodos da radiación correspondente á transición entre os dous niveis hiperfinos do estado fundamental do átomo de cesio-133. O seu símbolo é s.

6. s m

   Período moi breve de tempo.

   Sinónimos: instante, intre.
7. s m [MAT]

   Unidade de medición de ángulos. Segundo que a división da circunferencia sexa a sesaxesimal ou a centesimal, o segundo correspondente denomínase sesaxesimal (símbolo: ´´) ou centesimal (símbolo: “).

8. adv

   En segundo lugar.

9. segundo angular [ASTRON]

   Unidade angular que equivale á sesaxésima parte dun minuto angular, é dicir, a 15 segundos sesaxesimais.

Frases feitas

• Con segundas. Cunha intención distinta á que parece.