selva

Bosque mesto e pouco alterado propio das zonas tropicais.

Bosque exuberante propio do nivel de néboas das montañas. É característica, sobre todo, dalgunhas montañas intertropicais.

Bosque ecuatorial ou tropical húmido. As selvas pluviais ocupan as rexións cálidas con pluviosidade abondosa durante todo o ano. As comunidades vexetais selváticas son sempre arbóreas, con árbores moi altas, que forman diversos estratos, e cunha grande abundancia de lianas e de epifitos. A estrutura é complexa e a diversidade das especies é moi alta. A falta de luz é notable nos estratos inferiores e presentan plantas esciófilas. O ambiente está saturado de humidade, excepto os estratos máis elevados, onde as plantas presentan caracteres xerofíticos.

Bosque que non foi nunca explorado polo home.