shan

Relativo ou pertencente ao pobo shan ou á súa lingua.

Individuo do pobo shan.

Pobo do grupo tai, orixinario de Nanzhao (Yunnan), que se estableceu ao NL de Birmania despois de que Khublai Khan destruíse o reino (1253). No s XVI, ante o novo estado Toungoo, conservaron certa independencia, que se converteu nunha débil autonomía cando os británicos ocuparon o país (1885). Coa promesa da independencia, uníronse ao novo estado de Myanmar (1947), pero privóuselles do dereito á autodeterminación e terminaron por constituír o estado Shan dentro da Unión de Myanmar (1948).

Lingua do grupo tai-kadai do phylum áustrico que fala o pobo shan e nalgúns lugares de China e Tailandia.