Silveira, Bieito

(s XVIII) Escultor. Formouse no obradoiro de Miguel de Romay e viaxou, con Filipe de Castro, a Portugal e Sevilla. As súas obras caracterízanse polos pregos crebados e polas cabezas angulosas. Instalouse en Santiago de Compostela e traballou no retablo maior de San Martiño Pinario (1733), para o que realizou as imaxes de San Martiño, San Xosé, Santiago Matamouros e San Millán de la Cogolla. Realizou tamén as imaxes dos retablos laterais da Virxe e de San Bieito. Foi autor da imaxinaría do retablo maior de Santa María do Camiño e as imaxes de San Xoán Bautista, da igrexa dos xesuítas, e dúas de Santo Antón Abade, da igrexa de San Bartolomeu de Pontevedra.