símbolo

Aquilo que representa unha cousa por analoxía ou convenio.

Letra, signo ou conxunto deles que se empregan para representar unha magnitude, unha cantidade, unha unidade de medida ou diferentes operacións.

Expresión verbal ou escrita definida por unhas normas determinadas que se emprega para significar obxectos ou relacións.

Fórmula concisa da fe cristiá tal e como foi expresada polas igrexas primitivas, que era antigamente un signo de recoñecemento entre cristiáns. Foi parte integrante da liturxia (traditio symboli), para ser aprendido e recitado ante o bispo (redditio symboli). A liturxia mantivo o símbolo dos apóstolos (“Creo nun Deus”), o símbolo niceno-constantinopolitano (352-381), coñecido só na misa (credo); e o símbolo de san Atanasio ou Quicumque, que a partir do s X entrou no oficio divino, que se mantivo entre os anglicanos e que caeu en desuso entre os católicos desde a supresión da hora de prima en 1963.

Letra ou conxunto de letras que se empregan para representar os elementos químicos.