sisón

Ave gruiforme, duns 43 cm de lonxitude, que no inverno ten as partes superiores de cor terrosa e as inferiores abrancazadas; o macho diferénciase da femia porque ten un curuto dourado e o pescozo é branco e negro. Vive nas zonas de monte baixo, pastos ou cultivos e aliméntase de materia vexetal (grelos, sementes), miñocas, caracois e insectos. É migradora parcial e habita na Península Ibérica, ao SO de Francia, ao S de Italia, ao SL europeo, e nas illas de Sicilia e Sardeña. En Galicia pode observarse como estival entre os meses de maio e principios de novembro, especialmente no interior e nalgunhas zonas costeiras do NO.