sobrealimentación

Alimentación superior á necesaria para unha correcta manutención.

Alimentación superior á necesaria para reparar déficits ou perdas de nutrientes e repoñer as calorías consumidas, en que se empregan alimentos que en pouco volume achegan os compoñentes necesarios.

Introdución no cilindro ou nos cilindros dun motor de combustión interna, dunha cantidade de fluído superior á que o motor é capaz de aspirar naturalmente, co fin de alcanzar unha determinada presión de alimentación, que descendeu a causa de determinadas condicións de funcionamento do motor, ou ben co fin de aumentar a potencia por unidade de cilindradas. Nos motores de aviación, a sobrealimentación permite manter a potencia do motor a pesar da diminución da presión atmosférica e a densidade do aire. Nos automóbiles, a sobrealimentación permite obter o máximo de potencia por unidade de cilindrada.