swahili*

Relativo ou pertencente ao pobo swahili ou á súa lingua.

Individuo do pobo swahili.

Pobo mixto e islamizado que habita as costas orientais de África, entre Somalia e Moçambique. Sen ningunha unidade étnica que ligue os distintos grupos bantús que habitan estas rexións, o nome de swahili refírese sobre todo á lingua.

Lingua bantú do phylum níxer-congo que se fala na costa oriental de África, en Tanzania (Tangañika e Zanzíbar) e Kenya, onde é lingua oficial, en Uganda, xunto ao inglés, e en territorios da República Democrática do Congo. Escrito primeiramente en caracteres árabes, a partir do s XIX foron introducidos os caracteres latinos.