tardígrado -da

Relativo ou pertencente aos tardígrados.

Metazoo do filo dos tardígrados.

Filo de metazoos tripoblásticos protóstomos que ocupa un lugar intermedio entre os artrópodos e os anélidos. Teñen o corpo oval, de 1 mm de lonxitude como máximo, basicamente segmentados, provistos de 4 pares de patas curtas e articuladas, os tres primeiros pares son locomotores, e o cuarto, terminal, fixa o corpo a un substrato. A maioría son de sexos separados, unisexuados, con dimorfismo sexual, ovíparos e con desenvolvemento directo. Poden vivir en anabiose moitos anos. A maioría son terrestres, que habitan en lugares húmidos e herbívoros, non obstante, tamén hai mariños bentónicos, de augas doces e carnívoros e detritófagos.