tensión

Integral de liña do vector intensidade de campo entre dous puntos dun campo eléctrico a través dun camiño determinado. Equivale á diferenza de potencial entre os dous puntos e representa o traballo efectuado por unha carga unitaria ao trasladarse dun punto a outro. A unidade de medida é o volt.

Tensión superior a 250 V, que está destinada ao transporte de enerxía eléctrica a través de liñas de alta tensión.

Tensión inferior a 250 V que está destinada á distribución de enerxía eléctrica a particulares.

Presión que exerce un líquido ou un gas.

Presión que manifesta o vapor saturado dunha substancia en equilibrio coa fase líquida nun recinto pechado.

Presión parcial que exerce o vapor de auga contido na atmosfera. O seu valor pode aumentar ata un límite (tensión máxima ou saturante) a partir do que o vapor de auga se condensa ata que o volume da porción que queda en forma gasosa non excede o que é compatible coa tensión saturante.

Manifestación das forzas de cohesión moleculares dunha substancia líquida ou en disolución, na superficie de separación con outro medio, que tende a conferirlle a forma de mínima enerxía potencial.

Presión que exerce un líquido ou un gas dentro do corpo.

Resistencia que ofrecen as paredes dun recipiente á presión dun líquido ou dun gas que contén.

Resistencia que ofrecen as paredes das arterias que é proporcional á intensidade do fluxo sanguíneo.

Presión dos líquidos ou humores do ollo contra as membranas deste, producida pola continua reno­vación de líquidos no interior do ollo.

Tonicidade muscular.

Presión que exerce o sangue nas paredes dos vasos, dependente da forza do corazón, da elasticidade dos vasos, da resistencia capilar e do volume e a viscosidade do sangue circulante.

Estado do corpo que experimenta as forzas que o manteñen tenso ou lle impiden contraerse.

Resultado das forzas elásticas que, na masa dun corpo, equilibran os esforzos externos que tenden a alongalo.

Conxunto de esforzos, que se anulan mutuamente, existentes no interior dun metal, que se produce como resultado de determinados tratamentos térmicos ou mecánicos.