tomar

1. v t

   Coller coa man algo que outra persoa dá.

   Ex: Toma o que che dou.

2. v t

   Pasar a ter algo non material que se expresa.

   Ex: Tomei medo despois de ver a película.

3. v t

   Comer ou beber algo.

   Ex: Tomei un cocido moi bo. OBS: Nalgunhas construcións omítese o complemento e adquire valor absoluto. Ex: Ultimamente non toma.

4. v t

   Calcular unha medida para coñecela.

   Ex: Xa me tomaron a medida da saia.

5. v t

   Interpretar algo ou a alguén de determinada maneira.

   Ex: Non sei como tomar o que me dixo.

6. v t

   Adquirir un compromiso mediante algún contrato ou acordo.

   Ex: Tomouno por marido. Tomei unha camareira por horas.

7. v t

   Reproducir por escrito o que di alguén.

   Ex: Tomei apuntamentos na aula.

8. v t

   Conquistar un lugar.

   Ex: Os romanos tomaron esta cidade.

9. v t

   Usar un medio de transporte.

   Ex: Imos tomar un taxi.

10. v t

    Sacar auga ou electricidade dunha construción principal a outra secundaria.

    Ex: Non lles deixan tomar a auga deste encoro.

11. v t

    Coller unha dirección determinada.

    Ex: Tomei un camiño sen saída. OBS: Adoita empregarse seguido de preposición. Ex: Tomei pola dereita naquela rúa.

12. v t

    Adoptar aquilo que se indica.

    Ex: Tivemos que tomar medidas cos novos alumnos.

13. v t

    Realizar a acción que indica o substantivo.

    Ex: Antes de cear tomei un baño.

14. v t

    Fotografar ou filmar algo.

    Ex: Tomei varias fotografías en Asturias.

Frases feitas

• Tomar a alguén por/Tomar por. Interpretar que alguén é dunha maneira diferente á que se expresa.

• Tomar medidas. Levar á práctica decisións relevantes.

• Tomar partido. Decidirse por unha opción entre varias.

• Tomar terra. Aterrar un avión ou un aparato semellante.

• Tomar a ben/a mal. Interpretar no bo ou mal sentido as palabras ou accións de alguén.

• Tomar a palabra. Comezar a falar.

• Tomar a peito. Interesarse ou empeñarse excesivamente en algo.

• Tomarse a voz. Quedar sen ou case sen voz.