tomate

1. s m [BOT/ALIM]

   Froito en baga da tomateira, arredondado, avermellado ou vermello, liso con numerosas sementes amareladas e aplanadas, zumento e comestible. É rico en auga e contén potasio, calcio, magnesio, fósforo e as vitaminas A e C. Presenta propiedades diuréticas e laxantes. Existen numerosas variedades e a súa produción mundial está en aumento, tanto polo seu consumo directo como pola súa utilización na industria conserveira.

2. s m [PLANTA]

   tomateira.

Refráns

• A todo lle vai ben o tomate, non sendo ás papas e ao chocolate.
• Con tomates non hai mala cociñeira.
• Non te mates por tomates, que os hai na tomateira.
• O tomate úsase ata que se remate.