ton

1. 1. s m [FÍS]

      Característica dun son que está determinada pola frecuencia da vibración fundamental ou primeiro harmónico. En función do ton, clasifícanse en graves e agudos, dividida toda a gama acústica en frecuencias baixas e frecuencias altas, respectivamente.

   2. control do ton / [FÍS/TECNOL]

      Circuíto para controlar o ton e modificar a resposta de frecuencia dun amplificador de audiofrecuencia. Consta dun ou máis potenciómetros, variables a vontade, e unha rede de condensadores e resistencias.

   3. ton cardíaco [MED]

      Cada un dos dous ruídos, primeiro e segundo, que se senten auscultando a rexión cardíaca. O primeiro, corresponde á sístole ventricular, é xordo, grave e prolongado; o segundo, corresponde ao peche de válvulas, e é curto e seco.

2. s m

   olume ou intensidade da voz nun determinado momento.

3. s m

   Inflexión ou modulación da voz que nos permite diferenciar diversos sentimentos ou estados psicolóxicos.

4. s m [MÚS]

   1. Intervalo que hai entre dúas notas dunha escala, agás de mi a fa e de si a do.

   2. Relación das notas que forman unha escala musical.

5. s m

   Estilo ou modo de expresar algo.

6. s m

   Grao de intensidade dunha cor.

7. [FISIOL]
   1. s m

      Grao normal de vigor e tensión.

   2. s m

      Estado de elasticidade dun tecido normal e a súa aptitude para cumprir a súa función en resposta a un estímulo ordinario.

   3. ton muscular

      Estado de tensión activa dos músculos, permanente e involuntaria, variable na súa intensidade segundo as diversas accións reflexas que a reforcen ou a inhiban.

Frases feitas

• A ton loc adv Á altura do que se expresa.

• Fóra de ton. Que non utiliza as boas maneiras.

• Sen ton nin son. Sen pensar.