tónico -ca

(< lat tonĭcu)

1. adx
  Que produce e restablece o ton normal do organismo.
2. adx
  Que vigoriza moral ou mentalmente.
3. adx
  Que se caracteriza por unha tensión continua.
4. adx e s m
  tonificante.
5. auga tónica [ALIM]
  Bebida non alcohólica feita a base de extractos ou esencias de froitas cítricas, auga gaseada ou mineral, con azucre ou sen el, con pequenas cantidades de quinina, que lle dá o sabor amargo característico.
adx [LING]
Aplícase á vogal ou á sílaba que leva o acento musical ou de intensidade en oposición ás átonas. En relación co acento, unha sílaba chámase pretónica ou postónica segundo preceda ou siga inmediatamente á sílaba acentuada. Ás veces dáse o nome de acento tónico ao acento de intensidade.
adx [MÚS]
Aplícase á nota central dunha escala musical.

Palabras veciñas