Toxosoutos

Empresa editorial fundada en 1988 en Noia. Dirixida por Xosé Agrelo Hermo, conta con máis de oitenta títulos publicados. Céntrase fundamentalmente en obras de poesía, narrativa, historia e etnografía, tanto en castelán como en galego. Divide a súa produción editorial nas coleccións: “Keltia”, “Trivium”, “Ensino”, “Divulgación”, “Fasquía”, “Cruceiro do Rego”, “Nume” e “Delfín”.