Transatlántica Española SA, Compañía

Empresa de transportes marítimos constituída en 1881 en Barcelona por Antonio López López. Este iniciou as súas actividades en 1850 en Cuba coa liña Guantánamo-Santiago. En 1856 volveu a España e creou a liña de vapores Alacant-Marsella. En 1861, con base en Cádiz, obtivo a concesión do transporte do correo entre España, Cuba, Puerto Rico e Santo Domingo, converténdose na primeira empresa navieira española con liñas regulares a EE UU, ás Antillas e ás colonias españolas. Entrou en decadencia despois da Guerra Civil Española. En 1977, unha empresa do INI tomou o control da sociedade, que máis tarde pasou ao grupo Teneo, que en 1993 vendeu as accións a Naviera del Odiel.