urálico -ca

Relativo ou pertencente ao río Ural, aos Urais, aos seus habitantes ou ás súas linguas.

Natural ou habitante dos Urais ou da zona do río Ural.

Phylum de linguas orixinario da zona dos Urais, que se falan na conca dos Cárpatos e nunha faixa setentrional de Eurasia, que vai desde o extremo N de Noruega ata a península de Taymir (Siberia) e queda limitada ao S polo paralelo 56. Divídese en dúas ramas, a das linguas finoúgrias e a das linguas samoiedas. As características comúns á totalidade ou á maior parte das linguas uralianas son a harmonía vocálica, a estrutura morfolóxica baseada esencialmente na aglutinación, a declinación rica en casos, e a subordinación expresada preferentemente por formas verbais non persoais.