uropixio

Relativo ou pertencente aos uropixios.

Artrópodo da orde dos uropixios.

Orde de artrópodos, da clase dos arácnidos que inclúe especies de talle pequeno ou mediano (entre 2,5 e 65 mm), máis longo ca largo e opistosoma subcilíndrico, de 12 segmentos, acabado nun apéndice ou flaxelo longo multiarticulado. Teñen quelíceros con dous artellos, e o terminal, en forma de unlla, non é velenoso, pedipalpos, de seis artellos, xeralmente robustos, tamén acabados nunha unlla e serven para combater, capturar ou escavar. O primeiro par de patas é anteniforme e os outros 3 son locomotores e longos. Teñen 8 ocelos. A respiración é pulmonar. Estritamente nocturnos e lucífugos, aliméntanse de vermes, artrópodos, caracois e incluso dos seus propios conxéneres. Están distribuídos polas zonas temperadas e tropicais de América e Asia.