valer

1. v i

   Servir unha cousa ou persoa para realizar algunha función.

   Ex: Esas ferramentas non valen para nada.

2. v i

   Ter algo validez.

   Ex: A copia non valeu.

3. v i

   Estar permitida unha cousa.

   Ex: No balonmán non vale darlle ao balón cos pés.

4. v i

   ir ben ou ser conveniente algo.

   Ex: Valeunos moito que non marchases.

5. v i

   Ter unha persoa ou unha cousa unha calidade ou conxunto de calidades que a fan ser estimada.

6. v i

   Axudar ou auxiliar a alguén.

   Ex: Valédeme antes de que afogue.

7. v t

   Custar a cantidade que se expresa.

   Ex: Eses zapatos valen corenta euros.

8. v t

   Ter o mesmo valor ca outra cousa.

   Ex: O as vale once puntos no tute.

9. v t

   Ser digno de algo.

   Ex: Aprobar todo ben vale un esforzo.

10. v pron

    Poder facer un mesmo as cousas sen axuda.

    Ex: A nosa avoa válese por si mesma.

11. v pron

    Servirse dunha cousa ou dunha persoa para conseguir algo. OBS: Nesta acepción emprégase seguido da preposición de.

    Ex: Valeuse dos seus coñecementos para pasar a proba.

Frases feitas

• Vale! interx De acordo.

• Valer máis Ser preferible.