Varela de Limia, pazo de ou pazo de Deza

Construción situada en Reza, Ourense. Foi construída en 1818 por Xosé María Deza e Losada e Antonia Ibáñez, filla do marqués de Sargadelos. Consta de planta rectangular e dous pisos, con bufarda en forma de T e varias construcións adxectivas. Realizouse en cantaría e destaca especialmente a cheminea da cuberta, coroada con pináculos. Pegada á muralla que rodea a propiedade está a capela (1826), que remata cunha espadana labrada. O conxunto rodeouse cun muro.