variación

1. s f

   Acción e efecto de variar.

2. s f [MÚS]

   Transformación dunha composición musical sen afectar a súa identidade.

3. s f [BIOL]

   Modificación dos caracteres aparentes dos fenotipos dos organismos respecto dos seus proxenitores.

4. [MAT]
   1. s f

      Sucesión de n elementos dun conxunto de m elementos, que son diferentes dous a dous.

   2. cálculo de variacións

      Estudo da teoría dos extremos de integrais definidas tales que a súa integrante é unha función coñecida dunha ou máis variables independentes, dunha ou máis variables dependentes e das súas derivadas. O problema consiste en determinar as variables dependentes, de maneira que a integral sexa máxima ou mínima. No caso máis simple, a integral é da forma
      
      
      FORMULA
      
      
      
      onde cómpre determinar a función y(x) de maneira que I sexa máxima ou mínima.

5. s f [ASTRON]

   Perturbación periódica do movemento da Lúa, que é máxima nas épocas equidistantes entre dous cambios de fase, mentres que se anula nos instantes dos cambios. Foi descuberta por Tycho Brahe en 1582 e xustificada teoricamente por Newton.

6. s f [LING]

   Fenómeno polo que unha lingua determinada é diferente dependendo da época, lugar ou grupo social dado.

7. s f [BÉL]

   Cambio de dirección que, cun medio xiro, efectúa unha formación de tropa en marcha, a paso lixeiro.

8. variación estacional

   Cambio regular durante algún período do ano ligado a causas directa ou indirectamente conectadas coas estacións.

Refráns

• Vento ventiño, vento venteiro, hoxe rosmón e mañá falangueiro.