vello -lla

1. adx

   Que ten moita idade.

2. adx

   Que existe desde hai moito tempo ou que pertence a unha época pasada.

3. adx

   Que está gastado ou deteriorado polo uso ou o paso do tempo.

4. adx

   Que precede a outro máis novo.

5. s

   Persoa que ten moita idade.

6. [ANIMAL/ICT]
   1. s m

      Peixe mariño perciforme, de ata 15 cm de lonxitude, que presenta o corpo afusado e comprimido lateralmente, e escamas grandes. Ten unha soa aleta dorsal con 18 a 20 raios soltos soamente pola parte de enriba, e de 5 a 7 brandos e unidos. É de cor castaña con bandas violetas.

   2. s m

      serrán vello.

   3. vello das rochas

      serrán rochoso.

7. [RELIX]
   1. adx

      Relativo ou pertencente aos vellos católicos.

   2. s

      Membro dunha das igrexas asociadas á Unión de Utrecht, asinada o 24 de setembro de 1889 e formada pola Igrexa de Utrecht, de tendencia xansenista (arcebispado de Utrecht e bispados de Haarlem e Deventer), a Igrexa Alemá (bispado de Bonn), a Igrexa cristián-católica de Suíza (bispado de Berna), a Igrexa de Austria (bispado de Viena) e a Igrexa católico-nacional polaca de EE UU e de Canadá (bispados de Seraton, Manchester, Buffalo-Pittsbourgh e Chicago). As principais reservas doutrinais son: contra o primado pontificio, o concepto de Igrexa, a explicación da presenza eucarística, o perdón dos pecados pola intercesión da comunidade e o rexeitamento do celibato eclesiástico. Forman parte do Consello Ecuménico das Igrexas.

Frases feitas

• De vello. Desde hai moito tempo.

Refráns

• Auga e vento, que caia na casa do vello.
• Avezouse a vella ao mel e sóubolle ben.
• Besta vella, botala aos toxos.
• Canto máis vello, máis pelexo.
• De vello, gaiteiro.
• De vello, hai que n se troca pelexo.
• O que vello engorda, dúas mocedades goza.
• Se a vella é gaiteira ¡que fará a moza solteira!
• Se queres chegar a vello, faite vello cedo.