ventre

1. s m [ZOOL]

   Cavidade do corpo dos animais vertebrados que contén os órganos principais do aparato dixestivo e do xenitourinario.

2. s m [ZOOL]

   Conxunto de vísceras contidas no ventre, especialmente despois de ser extraídas.

3. [ANAT]
   1. s m

      Rexión exterior do corpo, correspondente ao abdome, que é anterior no home e inferior nos outros vertebrados.

   2. ventre de madeira

      Reflexo das paredes abdominais que aumentan o ton muscular cando se dan lesións no peritoneo.

   3. ventre navicular

      Aspecto particular do ventre cuxa parte central forma unha depresión enmarcada polas últimas costelas e os ósos ilíacos.

4. s m

   Parte máis ampla e convexa dun recipiente ou obxecto.

5. s m [FÍS]

   Cada un dos puntos dun medio, en que se propaga unha onda estacionaria, en que a amplitude é máxima respecto dos puntos máis próximos.

Frases feitas

• Facer/ir de ventre. Evacuar os excrementos.