visaio -ia

Relativo ou pertencente aos visaios ou á súa lingua.

Individuo do pobo visaio.

Individuo dun pobo malaio que dá nome ás Illas Visayas, pero que tamén vive nas illas veciñas (sur de Luzón e de Mindoro, norte e costas occidentais de Mindanao). Constitúe a poboación máis numerosa de Filipinas.

Grupo de linguas malaio-polinesio do phylum áustrico que fala o pobo visaio. A lingua máis importante é o cebuano, que se usa nas publicacións locais, nalgunha publicación de Manila e na maioría dos filmes de Filipinas en linguas nacionais.