xilografía

Arte de gravar a madeira. A técnica consiste en rebaixar e tallar con gubias e burís as partes da superficie dunha prancha de madeira que teñen que quedar brancas na estampa, deixando en relevo a superficie lisa para ser tintada e estampada sobre o papel. Orixinouse en Oriente, a raíz do descubrimento do papel en China. As primeiras xilografías europeas (s XIV), gravadas a fío e empregadas para xogos de naipes ou estampas relixiosas, foron os precedentes dos tipos móbiles (tipografía).

Lámina obtida por estampación dun gravado de madeira. OBS: A grafía <x> representa o son [ks].