Zero, Movemento

Movemento artístico europeo nacido en Alemaña en 1957 que, concibido como un proxecto vital novo, partiu do ambiente artístico dos anos de posguerra, crítico cos valores do pasado. Nel confluíron as tendencias artísticas máis innovadoras da época: desde o monocromatismo de I. Klein e de P. Manzoni e as teorías sobre a cor de Jef Verheyen, pasando pola op art de J. Tinguely e o espacialismo de Lucio Fontana. Tivo a súa máxima actividade a partir da década de 1960, en que se celebraron numerosas exposicións e se editaron publicacións como Zero e Azimuth.