fición

Invención ou creación da imaxinación.

ciencia fición.

Fábula a partir da que o dramaturgo configura un mundo dramático coas súas propias normas e regras. A ficción dramática que se traslada do autor ao lector pasa a ser unha ficción teatral por medio da escenificación, na que interveñen actores, o director de escena e outros artistas como iluminadores, escenógrafos ou maquilladores. A natureza desta segunda ficción é máis complexa, pois non só os actores asumen o carácter ficional do mundo que interpretan, senón que os espectadores asumen a convención de que un acto de simulación se poida considerar como unha realidade completa en si mesma. A maneira de presentar esta dobre natureza ficional do teatro ten dado lugar a diferentes orientacións estéticas, pois todas elas sempre teñen como punto central de referencia dos seus postulados o carácter ilusionista da escenificación ou a súa negación.

Técnica xurídica que consiste en atribuír legalmente a determinadas persoas ou cousas unha calidade ou unha condición que non teñen de seu para poder outorgarlles, por razóns de equidade, uns efectos determinados. Así, por exemplo, o dereito internacional establece a de extraterritorialidade.

Aquilo que o poeta ou o escritor imaxina que sucedeu.