folosa

Ave insectívora dos xéneros Acrocephalus, Hippolais e Locustella, da familia dos sílvidos, de plumaxes semellantes nos dous sexos e de cores máis ou menos uniformes e crípticas. Emiten cantos moi ricos e complexos compostos por estrofas emitidas a alta frecuencia que ao oído humano resultan como voces curtas, ásperas e repetitivas. Tamén se denomina foleco e folerpa.

Ave de 12,5 cm de lonxitude, coas partes superiores de cor verde olivácea e as inferiores amarelas. Na cabeza presenta unha lista supraocular de cor amarela. Imitan no seu canto a outras aves como as merlas, os pardais ou as papuxas. É unha ave migradora transahariana que ocupa o extremo suroccidental do Paleártico occidental. Cría por toda a Península Ibérica pero sobe pouco en altitude e non sobrepasa os 1.000 m nos Pireneos orientais e occidentais. Habita medios semiabertos con árbores dispersas, claros e bordos de bosques con matogueiras; resulta abundante nos bosques de ribeira.

Ave de 12,5 cm de lonxitude, coas partes superiores de cor castaña, riscada de negro e coas partes inferiores brancas amareladas. Na cabeza conta cunha lista supraocular branca enmarcada de negro. É unha especie migratoria transahariana que se distribúe polo Paleártico occidental. Na Península Ibérica habita lagoas litorais con xuncos, espadanas, salgueiros e carrizos da costa cantábrica.

Ave de 12,5 cm de lonxitude, coas partes superiores de cor castaña olivácea e inferiores brancas. É unha especie propia do Paleártico occidental que habita a vexetación palustre de marismas, pantanos, encharcadas dos bordos dos ríos, regatos e canles con vexetación. Distribúese por toda a Península Ibérica, especialmente en costas e vales onde localizan os hábitats indicados. Pasa o inverno na África tropical.

Ave de 12,5 cm de lonxitude, coas partes superiores de cor castaña arrubiada, riscada de negro e coas partes inferiores brancas amareladas. A parte superior da cabeza é de cor castaña escura e conta cunha lista supraocular branca. Cría en masas de vexetación palustre como carrizais e xunqueiras, de xeito descontinuo no S de Europa, no N de África e na Península Ibérica ocupa as costas atlánticas meridionais e as mediterráneas.

Ave de 19 cm de lonxitude, coas partes superiores de cor castaña escura e inferiores brancas arrubiadas. É unha ave migratoria transahariana de distribución paleártica occidental que cría en toda a Península Ibérica en áreas con vexetación palustre composta por macrófitos, en lagoas, marismas e ribeiras de grandes ríos.

Ave de 13 cm de lonxitude, coas partes superiores de cor castaña cinsenta, as inferiores brancas cremosas e o papo branco. Ave migratoria de distribución paleártica occidental que cría dende o terzo sur da Península Iberia, a Península Balcánica e o N de África ata Turquestán.

Ave de 12,5 cm, coas partes superiores de cor castaña listadas de negro de xeito lonxitudinal e inferiores amareladas. É unha especie tran-sahariana distribuída polo Paleártico occidental que na Península Ibérica ocupa treitos costeiros da rexión cantábrica en terreos con vexetación herbácea alta como prados húmidos ou prados de sega.

Ave de 14 cm de lonxitude, coas partes superiores de cor castaña arrubiada, inferiores brancas cremosas e gorxa e papo brancos. É unha ave migratoria transahariana, de distribución paleártica occidental, ligada a carrizais ou a outro tipo de vexetación típica de extensións salobres ou de auga doce. Na Península Ibérica cría esporadicamente ao longo das costas mediterráneas e atlánticas.