mollar

1. v t

   Impregnar ou cubrir cun líquido un corpo ou unha superficie. Na tradición oral recóllense ditos como: “Quen queira pescar, tense que mollar. O que queira comer percebes que molle o cu por eles. O que non se molla non come solla. Ceo apedrado, agro mollado”.

   Ex: A choiva mollou toda a roupa que estaba no tendal.

2. v t

   Untar algo nun líquido.

   Ex: O que máis lle gusta é mollar o pan no aceite do polbo.

3. v pron

   Humedecerse un corpo ao estar en contacto cun líquido.

   Ex: Cando viña da festa empezou a chover e mollouse todo.

4. v pron

   Comprometerse nun tema ou asunto.

   Ex: Nunca se molla cando falamos da eutanasia.

Frases feitas

• Mollar a gorxa/palabra/palleta. Beber un grolo.

• Mollar a pestana. Choromicar.