monogamia

Unión ou matrimonio dunha persoa con outra. Foi considerada polos teóricos do evolucionismo como o último estadio da unión dos individuos dentro da sociedade humana no seu camiño cara a civilización, aínda que non hai  ningún feito que confirme esta teoría. A regulación das unións nunha sociedade determinada vén dada por feitos biolóxicos, económicos ou relixiosos, e practicamente non existe ningunha sociedade humana en que non se dean ao mesmo tempo os dous tipos de unión.

Aparellamento dun animal cun único individuo do sexo oposto.

Fecundación exclusiva da oosfera.