Montessori, método

Sistema pedagóxico, vinculado ao movemento da escola nova, iniciado por Maria Montessori nas Case dei Bambini (1907). Dedicado especialmente á etapa de formación preescolar, pretende evidenciar e potenciar as aptitudes biolóxicas do neno. Baseado nos principios de liberdade, actividade e individualidade, o método Montessori céntrase, sobre todo, na educación dos sentidos, a lectura, a escritura, a gramática, os traballos manuais, a música e a formación física, utilizando un amplo material didáctico.