xivaísmo

Forma relixiosa da India, centrada no culto a Xiva, que constituíu unha das correntes espirituais máis importantes do brahmanismo. Inspirada no vixnuísmo, afastouse del (ss V-VI) e dividiuse en numerosas escolas que admiten desde un pluralismo real ata un non-dualismo (advaita) estrito, como o de Śankara. As máis importantes son a escola de Kashmir (Trika ou Pratyabhijna), a de Karnataka e Andhra Pradesh (ViraSivaísmo), o Śaiva Siddhanta dos támiles e o Śilvādvaita de Sri Kantha. Estendeuse tamén a Sri Lanka, a Xava e a Camboxa. A súa tradición foi recollida nos āgama.