xurisdición

Autoridade, poder, potestade ou dominio que se exerce sobre outro.

Poder de fixar o dereito que posuían os maxistrados, os pretores e os edís.

Potestade ou facultade que ten un estado ou unha autoridade para aplicar as leis, a través dos órganos legalmente constituídos para iso, mediante a administración de xustiza.

Conxunto de atribucións de carácter xudicial que lle corresponden a un órgano nun territorio determinado.

Conxunto de facultades empregadas para o goberno da Igrexa e dos seus fieis, cuxa autoridade corresponde, como máximo representante de san Pedro na terra, ao Papa.

Potestade que un xuíz exerce nun proceso xudicial sobre as pretensións ou dereitos das partes litigantes.

Autoridade que se manifesta a través dos recursos contra as decisións definitivas da Administración.

Axuda que un xuíz presta a unha operación xurídica feita entre particulares e que non ten por ela mesma efecto de ningún tipo.

Territorio sobre o que o rei, un nobre, un maxistrado ou unha corporación, civil ou relixiosa, exercía unha ampla autoridade.

Territorio dunha demarcación administrativa.

Territorio sobre o que un xuíz ou tribunal exerce as súas funcións.