Balawat, Portas de

Portas decoradas con relevos e inscricións de bronce alusivas ás campañas reais, que pechaban o pazo do Rei Salmanassar III de Asiria, en Imgur-Enlil (actual Balawat, ao L de Mosul, Iraq), preto de Nimrud. Foron descubertas en 1878 e constitúen un documento fundamental (iconográfico e textual) para coñecer os exércitos asirios do s IX a C. Consérvanse no British Museum.