Wankel, motor

Motor de combustión interna, ideado por F. Wankel en 1959, que consiste nunha cámara fixa no interior da que xira, con movemento planetario, un émbolo rotatorio constituído por tres lóbulos e impulsado pola forza de expansión do combustible en ignición. Os catro tempos efectúanse no curso dunha volta compacta do émbolo. A mestura carburante é aspirada nun volume relativamente grande, que se comprime ata que é inflamada, provocando que os gases saian ao exterior sen necesidade de válvulas.