Kostunica, Vojislav

(Belgrado 24.4.1944) Político serbio. Licenciado en Dereito, foi profesor universitario ata 1974, ano en que foi expulsado. Presidente do Srpske Demokratska Stranka (SDS, Partido Democrático de Serbia) desde a súa fundación (1992), en 2000 foi candidato nas eleccións presidenciais pola coalición Oposición Democrática de Serbia, como alternativa á candidatura do presidente S. Milosěvić. A acción fraudulenta no reconto de votos provocou unha revolta popular que finalmente obrigou a Milosěvić a dimitir e, en outubro do mesmo ano, Kostunica foi investido presidente de Iugoslavia. A súa política orientouse cara á consecución da normalización da política interior e exterior iugoslava.