Kucma, Leonid

(Cajkin, Černihiv 1938) Enxeñeiro e político ucraíno. Foi director xeral de Yuzhmash (1986-1992), a empresa de construción de foguetes máis grande do mundo. En outubro de 1992, foi nomeado primeiro ministro pero dimitiu un ano máis tarde. En 1993 foi nomeado presidente da Unión Ucraína de Industriais e Empresarios e ao ano seguinte foi profesor na Universidade de Dnipropetrov’ske e membro da Academia de Enxeñería de Ucraína. Foi elixido presidente nas eleccións de 1994, e reelixido nas de 1999.