asentado -da

1. p reg

   de asentar.

2. adx

   Que está colocado de maneira que queda fixo e seguro.

   Ex: A mesa xa non se move, quedou ben asentada. 

3. adx

   Que está apoiado nunha superficie que o sostén.

   Ex: A muralla está asentada sobre uns terreos pouco firmes. 

4. adx

   Que foi posto por escrito, anotado ou rexistrado.

   Ex: O fillo quedou asentado no rexistro de Ourense. 

5. adx

   Que presenta un gume suavizado.

   Ex: As tesoiras das costureiras son moi asentadas para poder cortar con facilidade. 

6. adx

   Que está fundamentado noutra cousa.

   Ex: Os experimentos ratificaron que a súa teoría estaba ben asentada. 

7. adx

   Que é sosegado ou prudente e obra con fundamento.

   Ex: É un home moi asentado, non fai nada sen o pensar ben. 

   Sinónimos: cabal.
8. adx

   Dise do edificio ben formado e que ten bos alicerces.

   Ex: Os terremotos afectan menos as construcións ben asentadas. 

9. adx

   Que está claro, especialmente aplicado á bebida que presenta no seu fondo o pouso.

   Ex: O taberneiro serviunos un viño asentado pero aínda así sabía a pouso. 

10. adx

    Que acae ben ao corpo.

    Ex: É unha modista moi boa sempre fai unha roupa moi ben asentada. 

11. adx

    Que quedou a vivir nun sitio.

    Ex: Leva asentada nesa cidade vinte anos. 

12. s f

    Tempo que pasa mentres alguén está sentado.

    Ex: Na excursión aproveitamos a asentada para xantar.

Frases feitas

• Dunha/nunha asentada. Dunha soa vez, sen interrupcións. Ex: Fixen o traballo para clase nunha asentada.