Cerca, pazo da

Construción nobre situada en Santa María da Pedra, Cariño. Trátase dunha edificación con planta en forma de U e cunha presenza defensiva na que escasean os vans. No 1705 pertenceu a Antonio Santiso Montenegro e á súa dona, Ana María Piñeyro; posteriormente pasou a mans da liñaxe dos Guzmáns e dos Cora, como amosan os brasóns existentes na fachada do edificio.