desaparecer

1. Antónimos: aparecer.

   1. Deixar de verse total ou parcialmente algo.

      Ex: O sol desapareceu detrás dos penedos. A parte sur da cidade desaparece entre as montañas. O rato desapareceu polo buraco da parede. A mancha desaparece se a lavas con lixivia. 

      Antónimos: aparecer.

   2. Deixar de estar algo nun lugar no que estaba anteriormente.

      Ex: Desapareceu de alí como por arte do demo. 

      Antónimos: aparecer.

   3. Estar alguén ou algo nun lugar que se descoñece.

      Ex: Desapareceu a miña carteira e non a dou atopado. 

      Antónimos: aparecer.

2. Deixar de ser ou de existir unha persoa, animal ou cousa.

   Ex: Coa súa morte desapareceu un gran pensador. Os osos desapareceron por mor da caza. Moitos loitan para que desapareza a pena de morte.

   Antónimos: aparecer.

Frases feitas

• Facer desaparecer. Conseguir que algo deixe de ser visible ou que exista. Ex: A ditadura fixo desaparecer a centos de persoas inocentes.