menos

1. adv

   En menor cantidade, grao ou intensidade. OBS: Pode expresarse dunha maneira absoluta ou en comparación con algo.

   Ex: Teu irmán colleu menos castañas ca ti. Decidiuse polo menos atrevido de todos. O que menos preciso agora é a túa compaixón.

2. prep

   A excepción de, fóra de.

   Ex: Menos ese que tes á dereita, calquera bolso me gusta.

   Sinónimos: agás, bardante, excepto, sacando, agás, bardante, excepto.
3. s m [MAT]

   Signo da subtracción e dos números negativos (-).

4. s pl

   A minoría.

   Ex: De todos os exames que corrixín, os aprobados son os menos. Das miñas amigas, as menos quixeron ir ao concerto.

Frases feitas

• A menos que loc conx Coa condición de. Ex: Non vou contigo a menos que me pidas desculpas.

• Ao menos/polo menos loc adv Como mínimo. Ex: Ao menos deixádelle falar. Ao menos serían seis ou sete.

• De menos. En cantidade menor do que se considera normal. Ex: Botoulle unha culleriña de menos.

• Facer de menos/facer menos de. Tratar con falta de respecto.

• O de menos. O menos importante. Ex: Para min o de menos é saber quen o fixo.