rabo

1. s m

   Prolongación da columna vertebral en moitos vertebrados.

   Sinónimos: rabeira.
2. s m

   Extremidade posterior dalgúns animais que non son mamíferos.

3. s m

   Parte alongada que sobresae de algo e por onde se agarra.

4. s m

   Parte dunha folla ou dun froito que a une á planta.

5. s m

   Parte traseira de calquera cousa.

6. rabo de carneiro [PLANTA]

   ceruda.

7. rabo de culler [ANIMAL/ORNIT]

   ferreiriño rabilongo.

8. rabo de lebre [PLANTA]

   Planta herbácea anual, de ata 40 cm de altura, con talos ergueitos, follas pubescentes con lígula pilosa, inflorescencias en panícula e espículas con glumas pilosas e lanceoladas e lemas con 5 nervios. Florece de maio a agosto en lugares areosos preto do mar de Europa Occidental e do Mediterráneo e emprégase como planta ornamental.

9. rabo de porco [PLANTA]

   Planta herbácea con follas alternas, grandes e divididas, flores pequenas amarelas pentámeras e froito moi comprimido dorsalmente. Emprégase como planta medicinal polas súas propiedades diuréticas, astrinxentes e emenagogas.

10. rabo de raposa [PLANTA]

    leiburiña.

11. rabo de raposo [PROTISTA]

    madeixo.

12. rabo de rato [PLANTA]

    Planta anual, de ata 10 cm de altura, con follas enteiras e lineares, e flores amarelas de pequeno tamaño e solitarias. Florece en primavera en campos e prados húmidos.

Frases feitas

• Ao rabo. Andar pegado a alguén. Ex: Deixa de andar ao rabo meu.

• Fuxir/marchar co rabo entre as pernas. Marchar avergoñado.