abelá

Froito en noz arredondado, de pericarpo leñoso, de cor acastañada e envolto nunha bráctea verde, partida e longa coma o froito, que dá a abeleira.

Semente esbrancuxada e comestible do froito da abeleira. As abelás de cultivo, xa sexan frescas, secas ou torradas, teñen numerosas aplicacións culinarias e en pastelería (fariñas, xeados, turróns, chocolates, etc); tamén se consumen directamente como froito seco. Debido ao seu elevado contido lipídico, extráese dela aceite, tanto para o consumo humano como para fabricar xabróns, cosméticos, etc.