acantocéfalo

(< lat acanthocéphalu < grἄκανϴος ‘acanto, espiño’ +κεϕαλή ‘cabeza’)

s m [ANIMAL]
Individuo do grupo dos acantocéfalos.
s m pl [ANIMAL]
Tipo de animais acelomados tripoblásticos, vermiformes, de simetría bilateral, sen tubo dixestivo nin aparato circulatorio nin respiratorio, endoparasito de hospedeiros mariños e continentais. Teñen unha trompa anterior retráctil, característica do grupo, provista de ganchos cos que se fixan nos intestinos dos hospedeiros. As larvas desenvólvense nun hospedeiro intermediario invertebrado, xeralmente artrópodo, mentres que os adultos viven no tracto intestinal dos vertebrados.

Palabras veciñas