acaso

1. s m

   Causa asignada a feitos ou acontecementos fortuítos dos que se descoñece a causa real e que son inexplicables dende o ámbito da razón.

   Ex: O acaso propiciou o noso reencontro.

   Sinónimos: casualidade, ventura.
2. adv

   Denota a posibilidade ou dúbida daquilo que se di.

   Ex: Acaso chova mañá.

   Sinónimos: quizais.
3. adv

   Forma empregada dentro de proposicións interrogativas negativas, xa dende o latín, de xeito enfático para indicar que o contido destas é certo e nas interrogativas afirmativas para negalo.

   Ex: Acaso non estaba vostede no lugar do crime? Acaso pensas que es o máis listo?

Frases feitas

• Por acaso. De casualidade.

• Por se acaso. Por prevención.

• Por un se acaso. Polo que poida acontecer.

• Se acaso. Quizais, se cadra.