acidez
acidez
(< ácido)
-
s
f
Calidade de ácido.
Ex: A acidez do limón utilízase para quitar a graxa.
Sinónimos: acedume. -
s
f
Calidade de mordaz.
Ex: A acidez das túas respostas non te vai levar a ningures.
Sinónimos: causticidade, mordacidade. -
s
f
[QUÍM/FÍS]
Indicación cuantitativa das propiedades ácidas. A acidez dun ácido nun solvente anfiprótico, é dicir, a súa forza neste solvente, vén medida pola súa tendencia a ceder un protón ao solvente. Nas solucións acuosas, unha expresión numérica da acidez é o pH.
-
acidez de estómago
[PAT]
Sensación de malestar estomacal producida por un exceso de ácido no zume gástrico.
Sinónimos: acedía, acía, pirose. -
acidez do solo
[XEOL]
Grao de acidez do solo, debido á composición química da rocha base e ás condicións da evolución do solo.