aclimatación

Resposta fisiolóxica reversible que consiste na adaptación dos organismos a condicións ambientais que lle son alleas. Comporta un continuo de reaccións por parte dos organismos que lles permiten reinstaurar un equilibrio entre as condicións adversas e as propias esixencias ambientais. Preséntase de xeito natural, aínda que o home pode forzala.

Conxunto de reaccións fisiolóxicas que lle permiten a un organismo adaptarse a un medio situado a máis altitude á que está afeito a vivir. O ser humano precisa unhas seis semanas para aclimatarse a altitudes de 6.000 m, de 3 a 4 semanas para altitudes de 3.000 a 4.000 m, e só uns cantos días para altitudes duns 2.000 m.