acollido -da
(< acoller)
-
p reg
de acoller.
-
adx
Que é admitido nun determinado lugar e que recibe hospedaxe ou protección.
Ex: O vello acollido está no asilo que hai á saída da cidade.
-
s
Persoa indixente que é acollida nunha institución de beneficencia.
Ex: A cidade está chea de acollidos que viven das institucións.
-
-
s
f
Acción e efecto de acoller.
Ex: Cando se incorporou ó novo traballo tivo unha boa acollida por parte dos novos compañeiros.
Sinónimos: acollemento. -
casa de acollida
Lugar onde se dá protección física e psíquica ás persoas que, debido a problemas familiares, sociais ou económicos, acoden a este tipo de centros. En función dos individuos acollidos pódense distinguir varios tipos de centros de acollemento: para persoas con escasos recursos económicos, que viven en situacións de precariedade económica ou por debaixo do límite da pobreza (inmigrantes, excluídos sociais ou minorías marxinadas); para mulleres que sufriron diversas formas de violencia, como o maltrato físico e psíquico ou violacións; e nenos con problemas familiares (alcoholismo, drogadición, maltratos ou violacións) ou de separación paterna que son acollidos en situación de preadopción.
-
s
f