acridínico -ca

Relativo ou pertencente á acridina.

Colorante sintético básico que ten na súa molécula o núcleo da acridina. Os colorantes acridínicos comprenden amarelos, laranxas e castaños e empréganse sobre todo para a tinguidura do coiro. Non son fabricados a partir da acridina, senón por condensación de aldehidos ou ácidos con diaminas aromáticas. Algúns deles empréganse como colorantes e outros son de importante aplicación en medicina.