alcrique

Peixe teleósteo de ata 45 cm de lonxitude, corpo alongado, estreito e comprimido lateralmente, mandíbulas -a inferior máis longa que a superior- debilmente dentadas que se alongan nun bico, aleta dorsal e anal separadas da caudal por 5 ou 8 pínnulas, dorso azulado, de costados e ventre prateados cunha mancha azul na base de cada aleta pectoral. É unha especie epipeláxica, que forma grandes bancos en alta mar e que se alimenta de zooplancto e larvas de peixes.